మనుషుల మధ్య మానవత్వం అనేదే లేకుండా పోతోంది. క్షణిక ఆవేశంలో ఏమి చేయడానికి అయినా మనిషి ఆలోచించడం లేదు. అలానే ఓ కొడుకు మందు తాగడానికి తల్లి డబ్బు ఇవ్వలేదని చెప్పి ఆమె తల నరికి ఆ తలతో పరారయిన ఘటన కలకలం రేపుతోంది. పేగుతెంచుకు పుట్టిన కొడుకే ఆ తల్లి పాలిట యముడయ్యాడు, మృత్యువుగా మారాడు. మద్యానికి డబ్బులు ఇవ్వలేదన్న కోపంతో కత్తితో నరికి చంపాడు.
నాగర్ కర్నూల్ జిల్లా కొల్లాపూర్ మండలం సింగోటం గ్రామంలో నిన్న అర్ధరాత్రి జరిగిన ఈ ఘటన కలకలం రేపింది. సింగోటం గ్రామానికి చెందిన చంద్రమ్మ కొడుకు రాములు జులాయిగా తిరుగుతూ మద్యానికి బానిసయ్యాడు. ఈ క్రమంలో నిన్న రాత్రి మద్యం కోసం తల్లిని డబ్బులు కావాలని అడిగాడు. కొడుకు వ్యసనాలు గురించి తెలిసిన తల్లి తన దగ్గర డబ్బుల్లేవని చెప్పింది. స్వల్ప వాగ్వాదం జరగగా తల్లి తల నరికి, నరికిన తలతో పరారయ్యాడు కొడుకు.
