వనపర్తి జిల్లాలో పలు అభివృద్ధి కార్యక్రమాల,ప్రారంభోత్సవం, శంఖుస్థాపనలు చేశారు మంత్రులు నిరంజన్ రెడ్డి, గంగుల కమలాకర్, కవిత ఇంద్రారెడ్డి, ఎంపీ రాములు ఎమ్మెల్యే ఆల వెంకటేశ్వర్ రెడ్డి, కార్పొరేషన్ చైర్మన్ సాయి చంద్. అనంతరం పెద్ద గూడెం వద్ద బహిరంగ సభలో మంత్రి మల్లా రెడ్డి మాట్లాడుతూ.. సీఎం కేసీఆర్ తెలంగాణ రాష్ట్రాన్ని అన్నిరకాలుగా అభివృద్ధి చేస్తున్నారని తెలిపారు. కేసీఆర్ దేశ ప్రధాని కావాలని జోగులాంబ అమ్మవారిని కోరుకున్నానని తెలిపారు మంత్రి మల్లారెడ్డి.
దేశంలో కూడా తెలంగాణలో అమలవుతున్న పథకాలు అమలుకావాలన్నారు. పక్కా రాష్ట్రాలు కూడా తెలంగాణ రాష్ట్ర అభివృద్ధిని గమనిస్తున్నాయన్నారు. పాలమూరు నుండి లక్షల మంది వలస వెళ్లే వారని.. నేడు తెలంగాణకు ఇతర రాష్ట్రాల నుండి లక్షలాది మంది వలస వస్తున్నారని అన్నారు. ఆరోగ్య తెలంగాణ కోసం జిల్లాకు ఒక మెడికల్ కాలేజ్ ఏర్పాటు చేసుకుంటున్నామన్నారు. ప్రైవేట్ స్కూల్స్ కి ధీటుగా ప్రభుత్వ పాఠశాలలు అభివృద్ధి చెందుతున్నాయన్నారు మంత్రి మల్లారెడ్డి. బీజేపీ మాయమాటలు నమ్మొద్దని.. మన పార్టీ బిఆర్ ఎస్… సీఎం కేసీఆర్ ప్రధాని కావాలన్నారు.
