ఈ మూవీ రెగ్యుల‌ర్ ఏడు నెల‌ల విరామం త‌రువాత ఈ నెల 7న హైద‌రాబాద్‌లో మొద‌లైంది. ఇప్ప‌టి వ‌ర‌కు ప‌ది రోజులు షూటింగ్ జ‌రిగింది. తాజాగా ఆదివారం నుంచి ఈ మూవీ షూటింగ్‌ని నిలిపివేశారు. కార‌ణం ఈ మూవీకి సంబంధించిన మెయిన్ టీమ్ స‌భ్యుల‌కు క‌రోనా ల‌క్ష‌ణాలు బ‌య‌ట‌ప‌డ‌ట‌మేన‌ని తెలిసింది. దీంతో టీమ్ షూటింగ్‌ని ఆపేయాల‌ని నిర్ణ‌యించుకున్నార‌ట.
విష‌యం బ‌య‌టికి తెలియ‌డంతో టీమ్ మెంబ‌ర్స్ అంతా హోమ్ ఐసోలేష‌న్‌లోకి వెళ్లిపోయార‌ట. ఇప్ప‌టి వ‌ర‌కు జ‌రిగిన షూటింగ్‌లో హీరో నానితో పాటు హీరోయిన్ రీతు వర్మ తదితరులు పాల్గొన్నారు. శివ నిర్వాణ దర్శకత్వం వహిస్తున్న ఈ చిత్రాన్ని సాహు గారపాటి, హరీష్ పెడ్డి నిర్మిస్తున్నారు.
