ప్రముఖ పారిశ్రామికవేత్త ఆనంద్ మహీంద్రా సోషల్ మీడియాలో యాక్టివ్‌గా ఉంటారన్న విషయం తెలిసిందే. తాజాగా ఆయన ఓ పోస్టు చేసి నెటిజన్లను సర్ ప్రైజ్ చేశారు. ‘ఇంటర్నేషనల్‌ చెస్‌ డే’ను పురస్కరించుకుని తాను చెస్‌ ఆడుతున్నట్లుగా ఉన్న ఓ ఫొటోను షేర్‌ చేశారు. అది తన హనీమూన్‌ నాటి ఫొటో అట. ఈ విషయాన్ని చెబుతూ మహీంద్రా చేసిన ట్వీట్ ఇప్పుడు తెగ వైరల్‌ అవుతోంది.
‘‘గ్లోబల్‌ చెస్‌ లీగ్‌ జరిగినప్పుడు.. ‘ఎప్పుడైనా చెస్‌ ఆడారా?’ అని నన్ను చాలా మంది అడిగారు. దీంతో నేను నా పాత జ్ఞాపకాల ఆల్బమ్‌ను శోధించగా ఈ ఫొటో దొరికింది. ఇది ఆగ్రాలో నా హనీమూన్‌లో తీసుకున్న ఫొటో. రోబోటిక్‌ చెస్‌ బోర్డుపై ఆడలేదు. నా భార్య కెమెరా కోసం కేవలం పోజిచ్చానంతే..! అయితే ఈ మధ్యకాలంలో ఆన్‌లైన్‌లో నా చెస్‌ నైపుణ్యాలను పెంచుకునేందుకు ప్రయత్నిస్తున్నా’’ అని ఆనంద్ మహీంద్రా రాసుకొచ్చారు. ఈ ఫొటోను దాదాపు 3 లక్షల మంది వీక్షించగా.. ‘మీ థ్రో బ్యాక్‌ ఫొటో బాగుందం’టూ పలువురు నెటిజన్లు కామెంట్లు చేస్తున్నారు.
And speaking of chess, I should have posted this yesterday on #InternationalChessDay ! was asked quite often during the @GCLlive if I played chess myself. So I foraged through my album of memories & found this pic from my honeymoon in Agra. No, that wasn’t a robotic board I was… pic.twitter.com/IYmZZT4tTX
— anand mahindra (@anandmahindra) July 21, 2023
