దేశ రాజధాని ఢిల్లీ అసెంబ్లీ ఎన్నికల్లో ఆంధ్రప్రదేశ్ సీఎం, టీడీపీ జాతీయ అధ్యక్షుడు నారా చంద్రబాబు నాయుడు ప్రచారం చేయనున్నారు. బీజేపీ అభ్యర్థుల తరపున ప్రచారం చేయనున్నారు. ఫిబ్రవరి 01న న్యూఢిల్లీలో సీఎం చంద్రబాబు ఎన్నికల ప్రచారం చేసే అవకాశం ఉంది. తెలుగు ప్రజలు అత్యధికంగా నివసించే ప్రాంతాల్లో బీజేపీ అభ్యర్థుల తరపున ఏపీ సీఎం ఎన్నికల ప్రచారం చేయనున్నారు. ఢిల్లీలో సుమారు 10లక్షల మంది తెలుగు ప్రజలు నివసిస్తున్నారు. డిప్యూటీ సీఎం పవన్ కళ్యాణ్ కూడా ఎన్నికల్లో ప్రచారం చేసే అవకాశం ఉన్నట్టు తెలుస్తోంది.
ఫిబ్రవరి 05న ఢిల్లీ అసెంబ్లీ ఎన్నికల పోలింగ్ జరుగనుంది. ఫిబ్రవరి 08న ఎన్నికల ఫలితాలు వెలువడనున్నాయి. సమయం ఆసన్నమవుతుండటంతో ప్రచారం జోరందుకుంది. పార్టీ అభ్యర్థుల మద్దతు కోసం మిత్రపక్షాలను ఢిల్లీ ఎన్నికల ప్రచారంలోకి బీజేపీ అగ్రనాయకత్వం దింపుతోంది. ఈ తరుణంలోనే ఎన్నికల ప్రచారంలో పాల్గొనాలంటూ సీఎం చంద్రబాబును బీజేపీ ఆహ్వానించిన విషయం విధితమే. ఢిల్లీ అసెంబ్లీ ఎన్నికల ప్రచారానికి సిద్ధమయ్యారు సీఎం చంద్రబాబు.
*ఢిల్లీ అసెంబ్లీ ఎన్నికల ప్రచారానికి సీఎం చంద్రబాబు గారు*
ఫిబ్రవరి 1న ఢిల్లీలో NDA తరపున చంద్రబాబు ఎన్నికల ప్రచారం
ఇప్పటికే ఊపందుకున్న ఢిల్లీ అసెంబ్లీ ఎన్నికల ప్రచారం pic.twitter.com/2q5WYNqln8
— Bulli Raju (@bullii_raju) January 28, 2025
