వంటలు చేయడంలో దిట్ట అయిన వాళ్లు ఎప్పుడు కొత్తకొత్త వెరైటీలు ట్రై చేస్తారు. అలాగే యూపీలోని మేరఠ్లో లాల్కుర్తీ ప్రాంతానికి చెందిన కౌశల్ స్వీట్స్ యజమాని శుభమ్ కౌశల్ కూడా కొత్తగా ఏదైనా ట్రై చేద్దామనుకున్నాడు. తమ షాపులోని సమోసాలకు గుర్తింపు వచ్చేలా ప్రయత్నిద్దామనుకున్నాడు. అనుకున్నదే తడవుగా ఓ మంచి ఆలోచన తట్టింతి శుభమ్కు. అంతే మొదట 4 కిలోలు.. తర్వాత 8 కిలోల సమోసాలు తయారు చేయించాడు. వీటికి ప్రజాదరణ బాగుండటంతో ఈసారి 12 కిలోల సమోసా తయారు చేయించాడు. దానికి బాహుబలి సమోసా అని పేరు పెట్టాడు.
ఈ సమోసాను ముగ్గురు వంట మనుషులు ఆరు గంటలు శ్రమించి తయారుచేశారు. ఈ సమోసాలు సామాజిక మాధ్యమాల్లో వైరల్‌ కావడంతో ఆర్డర్లు కూడా బాగానే వస్తున్నాయి. రూ.1,500 ధరగా నిర్ణయించిన 12 కిలోల సమోసాలకు ఇప్పటివరకు దాదాపు 40 నుంచి 50 ‘పుట్టినరోజు’ ఆర్డర్లు వచ్చాయని కౌశల్ తెలిపారు. అంతేకాదు.. ఈ సమోసాను అరగంటలో ఆరగిస్తే రూ.71,000 నగదు మీదే అంటూ ఈయన బహుమతి కూడా పెట్టారు.
