ఇంగ్లాండ్ స్టార్ పెసర జోఫ్రా ఆర్చర్ ఐపిఎల్ 2024 సీజన్ కు దూరం కానున్నారు. అతడిపై పనిభారం తగ్గించడానికి ఇంగ్లాండ్ క్రికెట్ బోర్డు ఈ నిర్ణయం తీసుకున్నట్లు తెలుస్తోంది. టీ20 వరల్డ్ కప్ 2024ను దృష్టిలో పెట్టుకొని ఈసీబీ ఈ నిర్ణయం తీసుకున్నట్లు సమాచారం. కాగా, ఐపీఎల్ లో గతేడాది ఆర్చర్ ముంబై ఇండియన్స్ తరఫున బరిలోకి దిగారు.
కానీ గాయంతో టోర్నీ నుంచి అర్ధాంతరంగా వైదొలిగారు. కాగా, రానున్న సంవత్సరం జరగనున్న ఐపీఎల్ కోసం ఇప్పటి నుండి ఫ్రాంచైజీలు జట్టులో ఆటగాళ్లను సంసిద్ధం చేస్తున్నాయి. ఇక డిసెంబర్ 19 న దుబాయ్ లో జరగనున్న ఐపీఎల్ 2024 వేలంలో మొత్తం 1166 మంది ఆటగాళ్లు రిజిస్ట్రేషన్ చేసుకోవడం గమనార్హం. మాములుగా ఇది ఐపీఎల్ మినీ వేలం అనుకున్నా, ఇది మెగా వేలాన్ని తలపిస్తోంది. ఈ డ్రాఫ్ట్ లో మిచెల్ స్తర్క్, పాట్ కమిన్స్, హెడ్, మిచెల్ మరియు రవీంద్ర లాంటి వరల్డ్ కప్ స్టార్స్ ఉండడమే విశేషం అని చెప్పాలి.
