వికారాబాద్ అడవుల్లో కాల్పుల ఘటన కలకలం రేపుతోంది. ఒక ఆవుని గన్ తో షూట్ చేసి చంపడంతో హిందూ సంఘాలు కూడా ఆగ్రహం వ్యక్తం చేస్తున్నాయి. అయితే ఈ ఘటనలో కొత్త కోణం వెలుగులోకి వచ్చింది. అదేంటంటే దామగుండంలో ఓ ప్రముఖ క్రీడాకారిణికి, ఆమె బంధువులకు ఫామ్ హౌజ్ లు ఉన్నాయి. ఈ ఫాం హౌజ్ కు వస్తున్న వారే కాల్పులు జరుపుతున్నారని స్ధానికులు ఆరోపిస్తున్నారు. ఫామ్ హౌజ్ నిర్వాహకులు, సిబ్బందిని పోలీసులు విచారించగా ఫామ్ హౌజ్ నిర్వకులు స్థానికులను బెదిరిస్తున్నట్టు గుర్తించారు.
ఈ ఫామ్ హౌజ్ దరిదాపుల్లోకి పశువులు తీసుకొని రావద్దు అంటూ స్థానికులను బెదిరిస్తున్నట్టు చెబుతున్నారు. కాల్పుల ఘటన పై కీలక సమాచారం సేకరించిన పోలీసులు స్వాధీనం చేసుకున్న బుల్లెట్ ఏ రివాల్వర్ నుంచి వచ్చిందో దర్యాప్తు మొదలు పెట్టారు. ఆవు యజమానిని ఘటన జరిగిన మరుసటి రోజునే ఫామ్ హౌజ్ నిర్వాహకులు బెదిరించినట్టు గుర్తించారు. ఫామ్ హౌజ్ కు చెందిన వారే కాల్పులకు పాల్పడి ఉంటారని పోలీసుల ప్రాథమిక అంచనాకు వచ్చారు.
