రైతాంగానికి ఎవరేం చేశారో చర్చకు సిద్దమా…. బీజేపీకి ఎర్రబెల్లి సవాల్

రైతులను రెచ్చగొట్టడం తప్పితే… కేంద్రం చేసేది ఏం లేదని మంత్రి ఎర్రబెల్లి దయాకర్ రావు ఫైర్ అయ్యారు. కేసీఆర్ తెలంగాణ వ్యతిరేఖి అని కేంద్ర మంత్రి మాట్లాడుతున్నారని.. ఆయన చాలా మూర్ఖంగా మాట్లాడుతున్నారంటూ విమర్శలు చేస్తున్నారు. బీజేపీ తెలంగాణకు ఏం చేసిందని ప్రశ్నించారు. దమ్ముంటే.. హైదరాబాద్ లో చర్చ పెడుదాం అని… బీజేపీకి ఏం చేసింది రైతాంగం కోసం, మేం ఏం చేశామనేది తేల్చుకుందాం అని ఆయన సవాల్ చేశారు. మాకన్నా ఎక్కువ బీజేపీ తెలంగాణకు చేసి ఉంటే మేం దేనికైనా సిద్ధమే అని సవాల్ విసిరారు. నూక బియ్యం మీరు తింటారో.. మేం తింటామో తేల్చుకుందాం అని ఎర్రబెల్లి ఛాలెంజ్ చేశారు. మేము రైతులకు చేసిన సాయంతో పోలిస్తే దాంట్లో పది పైసలు కూడా బీజేపీ రైతులకు ఏం చేయలేదని ఆయన విమర్శించారు. మేం రా రైస్ మాత్రమే కొంటామనిా కేంద్రం చెబుతుందని… యాసంగిలో ‘ రా’ రైస్ ఎలా వస్తాయని ప్రశ్నించారు. వడ్లు కొంటామని చెప్పి రైతులతో వడ్లు వేయించారని.. కేసీఆర్ కొనమని చెబుతున్నా… బండి సంజయ్, కిషన్ రెడ్డిలు రైతులతో వరి వేయించారని ఆరోపించారు. గ్రామాల నుంచి బీజేపీ నాయకులను తరిమికొట్టాలని పిలుపునిచ్చారు.