ఈ రోజు శ్రీలంక మరియు ఆఫ్గనిస్తాన్ జట్ల మధ్యన మొదటి వన్ డే హంబన్ టోటా లో జరిగిన విషయం తెలిసిందే. ఈ వన్ డే లో ఫేవరేట్ లుగా బరిలోకి దిగిన శ్రీలంక చివరికి పసికూన చేతిలో 6 వికెట్ల తేడాతో ఓటమి పాలయింది. హేమాహేమీలు జట్టులో ఉన్నా శ్రీలంక గెలవకపోవడం అభిమానులను ఎంతగానో బాధకు గురి చేసింది. కాగా ఈ మ్యాచ్ లో అరంగేట్రం చేసిన శ్రీలంక యంగ్ బౌలర్ పతిరణ పై విమర్శలు వస్తున్నాయి. ఐపీఎల్ లో చెన్నై తరపున ఆడి ప్లేయర్స్ ను ఇబ్బంది పెట్టిన ఇతను ఈ మ్యాచ్ లో పూర్తిగా తేలిపోయాడు. మొత్తం 8 .5 ఓవర్లు వేయగా కేవలం ఒక్క వికెట్ మాత్రమే తీసుకుని 66 పరుగులు ఇచ్చుకున్నాడు. దీనితో ఇతనిపై విమర్శలు మొదలయ్యాయి..
