ముందు వెనుక ఆలోచించకుండా అత్యుత్సాహం కలిగి బిజెపి రాష్ట్ర అధ్యక్షుడు కన్నా లక్ష్మీనారాయణ చేసిన వ్యాఖ్యలు రాష్ట్ర బీజేపీ కి బ్యాడ్ నేమ్ తెచ్చిపెట్టాయి. కరోనా వైరస్ కట్టడి చేయడం కోసం ఏపీ ప్రభుత్వం కరోనా పరీక్షలకు దక్షిణ కొరియా నుండి రాపిడ్ టెస్టింగ్ కిట్స్ కొనుగోలు చేసిన విషయంలో అవినీతికి పాల్పడిందని కన్నా చేసిన వ్యాఖ్యలు మనకందరికీ తెలిసినదే. ఈ వ్యాఖ్యలపై తీవ్ర స్థాయిలో విజయసాయిరెడ్డి కూడా గట్టిగానే కౌంటర్ వేశారు. చంద్రబాబుకి కన్నా లక్ష్మీనారాయణ అమ్ముడుపోయారని అంటూ చేసిన వ్యాఖ్యలు పెద్ద దుమారం అవ్వటం తో ఈ విషయం ఏపీలో పెద్ద రాజకీయ రగడ సృష్టించింది.
దీంతో వెంటనే బిజెపి పార్టీ పెద్దలు రంగంలోకి దిగారు. బిజెపి జాతీయ అధ్యక్షుడు జేపీ నడ్డా… కన్నా లక్ష్మీనారాయణకు గట్టిగా క్లాస్ తీసుకున్నారు. వీడియో కాన్ఫరెన్స్ లో ఏపీ బీజేపీ నేతలతో మాట్లాడుతూ ఈసారి విపక్షాలపై ఆరోపణలు చేసే ముందు లోతైన అధ్యయనం చేశాక, హైకమాండ్ గ్రీన్ సిగ్నల్ ఇచ్చాక అప్పుడు ఆరోపణలు చేయండని గట్టిగా హెచ్చరికలు చేశారు. మీరు చేసిన వ్యాఖ్యల వల్ల దేశవ్యాప్తంగా ఉన్న బిజెపి పాలిత రాష్ట్రాల ప్రభుత్వాలపై అవినీతి ఆరోపణలు ఎదుర్కొంటున్నాయి అంటూ మండిపడ్డారు.
