ఈ మధ్య కాలం లో చాలా రకాల స్కీమ్స్ మనకి అందుబాటులో వున్నాయి. ఈ స్కీమ్స్ వలన పెన్షన్ వస్తుంది. అయితే కేవలం కేంద్ర ప్రభుత్వం ఉద్యోగులకి మాత్రమే కాదు అసంఘటిత రంగంలోని వారికి కూడా కొన్ని స్కీమ్స్ వున్నాయి. అందులో ప్రధానంగా చెప్పుకునే స్కీమ్ ప్రధాన మంత్రి శ్రమ్ యోగి మంధన్ యోజన.
ఈ స్కీమ్ వీధి వర్తకులు, రిక్షా డ్రైవర్లు, నిర్మాణ కూలీలు, ఇతరులకు బాగా ఉపయోగ పడుతుంది. ఇక దీని కోసం పూర్తి వివరాల లోకి వెళితే.. పదవీ విరమణ పొందిన తర్వాత ఈ పధకం కింద పెన్షన్ వస్తుంది. ఈ స్కీమ్‌లో కేవలం రోజుకు రూ.2 కనుక చెల్లిస్తే ఏడాదికి రూ.36 వేల పెన్షన్‌ను పొందవచ్చు. మీరు నెలకు రూ.55 డిపాజిట్ చేస్తే ఈ స్కీమ్ ని ప్రారంభం చెయ్యచ్చు.
18 ఏళ్లు వచ్చినప్పటి నుంచి రోజుకు రూ.2 ఈ పథకంలో సేవ్ చేస్తే నెలకు రూ.36 వేల పెన్షన్‌ను పొందవచ్చు. 40 ఏళ్ల వయసులో వాళ్ళైతే నెలకు రూ.200 డిపాజిట్ చేయాల్సి ఉంటుంది. ఈ స్కీమ్‌ని ప్రారంభించాలంటే మీ వయసు 18 ఏళ్ల కంటే తక్కువగా, 40 ఏళ్ల కంటే ఎక్కువగా వుండకూడదు.
ఈ స్కీమ్‌కి దరఖాస్తు చేసుకోవాలనుకునే వారి నెలవారీ వేతనం రూ.10 వేల కంటే తక్కువగా ఉంటేనే అర్హులు. ఆధార్ కార్డు, సేవింగ్స్ లేదా జన్ ధన్ బ్యాంకు అకౌంట్ పాస్ బుక్, మొబైల్ నెంబర్ రిజిస్ట్రేషన్ సమయంలో అవసరం.
