పార్లమెంట్ రెండో విడత బడ్జెట్ సమావేశాల రెండోరోజు కూడా లోక్సభలో గందరగోళం నెలకొంది. సభ ప్రారంభమైన కాసేపటికే దుమారం రేగడంతో.. వాయిదా పడింది. అదానీ- హిండెన్బర్గ్ అంశంపై చర్చించాలంటూ విపక్షాలు పట్టుబట్టగా.. రాహుల్ గాంధీ క్షమాపణలు చెప్పాలని అధికార పక్ష ఎంపీలు నినాదాలు చేశారు. దీంతో లోక్సభను మధ్యాహ్నం 2 గంటలకు వాయిదా వేస్తున్నట్లు స్పీకర్ ఓంబిర్లా ప్రకటించారు.
మరోవైపు, రాజ్యసభలో కార్యకలాపాలు కొనసాగుతున్నాయి. భారత్కు ఆస్కార్ అవార్డులు సాధించి పెట్టిన ఆర్ఆర్ఆర్, ది ఎలిఫెంట్ విస్పరర్స్ చిత్ర బృందాలకు పెద్దల సభ ఎంపీలు అభినందనలు తెలియజేశారు. ఆస్కార్ అవార్డులు రావడం.. దేశంలో ఉన్న ప్రతిభకు అంతర్జాతీయంగా దక్కిన గొప్ప ప్రశంస అని రాజ్యసభ ఛైర్మన్ జగ్దీప్ ధన్ఖడ్ పేర్కొన్నారు. ప్రపంచంలో భారతదేశానికి మరో గుర్తింపు లభించినట్లయిందని తెలిపారు.
