కేటీఆర్‌.. ముందుంది మొసళ్ల పండుగ..రేవంత్ రెడ్డి

తెలంగాణ మంత్రి, టీఆర్ఎస్ వర్కింగ్ ప్రెసిడెంట్ కేటీఆర్‌ జనవాడ ఫాం హౌస్‌పై టీపీసీసీ వర్కింగ్ ప్రెసిడెంట్, మల్కాజ్‌గిరి ఎంపీ రేవంత్ రెడ్డి దాఖలు చేసిన పిటిషన్‌పై నేషనల్ గ్రీన్ ట్రిబ్యునల్ కీలక ఆదేశాలు ఇచ్చింది. అయితే దీన్ని జీర్ణించుకోలేని టిఆర్ఎస్ నేతలు ఈ మధ్యాహ్నం ప్రెస్ మీట్ ఏర్పాటు చేసి రేవంత్ పై నిప్పులు చెరిగారు. రేవంత్ రెడ్డి ఐరన్ లెగ్ అని, రేవంత్ ఏ పార్టీలో ఉంటే ఆ పార్టీ సర్వనాశనం అవుతుందని వ్యాఖ్యానించారు. రేపటి నుంచి రేవంత్ బాగోతాలు ఒక్కొక్కటిగా బయటికి వస్తాయని హెచ్చరించారు. అయితే, దీనిపై రేవంత్ దీటుగా స్పందించారు. “ముందుంది మొసళ్ల పండుగ… రేపు మధ్యాహ్నం 1 గంటకు!” అంటూ ఈ వ్యవహారంలో తాను వెనుకంజ వేసేది లేదన్న బలమైన సంకేతాలు పంపించారు. అయితే రేపు రేవంత్ ఏంచేయనున్నారన్నదానిపై ఇంకా స్పష్టత రాలేదు.