త‌మిళ్ స్టార్ హీరో విశాల్ గురించి ప్ర‌త్యేకంగా చెప్ప‌న‌క్క‌ర్లేదు. త‌మిళ్ ప్రేక్ష‌కుల‌కే కాకుండా.. తెలుగు లోనూ మంచి క్రేజ్ ఉన్న హీరో విశాల్. వ‌రుస‌గా విజ‌యాల‌తో… ప్రస్తుతం దూసుకుపోతున్నారు విశాల్. అయితే.. ప్రస్తుతం విశాల్ హీరోగా తెర‌కెక్కుతున్న 31 వ సినిమా సామాన్యుడు. నాట్ ఏ కామ‌న్ మ్యాన్ అనేది ఈ సినిమా ట్యాగ్ లైన్‌. ఇంటెన్స్ యాక్ష‌న్ డ్రామాగా తెర‌కెక్కుతున్న ఈ మూవీ ద్వారా తుపా శ‌ర‌వ‌ణ‌న్ ద‌ర్శ‌కుడిగా ప‌రిచ‌యం అవుతున్నారు.
విశాల్ ఫిల్మ్ ప్యాక్ట‌రీ బ్యాన‌ర్ పై విశాల్ స్వ‌యంగా ఈ సినిమాను నిర్మిస్తున్నారు. ఇక ఇటీవ‌లే విశాల్ పుట్టిన రోజు సంద‌ర్భంగా సామాన్యుడు సినిమా ఫస్ట్ లుక్ ను విడుద‌ల చేశారు. అయితే.. తాజాగా మరో బిగ్ అప్డేట్ ను విడుద‌ల చేసింది చిత్ర బృందం. సామాన్యుడు సినిమా నుంచి టీజర్ ను వ‌దిలారు. ఈ టీజర్ లో కామ‌న్ మ్యాన్ గా క‌నిపించిన.. హీరో విశాల్.. యాక్ష‌న్ సీన్ల‌తో రెచ్చి పోయారు. అలాగే ఎమోష‌న‌ల్ సీన్లు కూడా అదిరిపోయాయి. మొత్తానికి ఈ టీజర్ సినిమాపై అంచ‌నాల‌ను పెంచేసింది.
