ఆంధ్ర ప్రదేశ్ మహిళా కమిషన్ చైర్పర్సన్ వాసిరెడ్డి పద్మ ఇంట తీవ్ర విషాదం చోటుచేసుకుంది. ఆమె సోదరుడు, సీనియర్ జర్నలిస్ట్ అయిన వాసిరెడ్డి వేణు గోపాల్ ఈ రోజు ఉదయం కన్ను మూశారు. గత కొద్ది రోజులుగా అనారోగ్యంతో బాధపడుతున్న ఆయన ఈ రోజు ఉదయం కన్నుమూసినట్లు సమాచారం. ఇక ఆయన జర్నలిస్టుగా అనేక సంవత్సరాల పాటు పత్రికలలో సేవలందించారు. ఇక వద్దనుకుని ఆ ఫీల్డ్ నుండి బయటకి వచ్చేసిన ఆయన వాసిరెడ్డి పబ్లికేషన్స్ పేరుతో ఒక పబ్లిషింగ్ హౌస్ మొదలు పెట్టారు.
అది ఇప్పుడు విజయవంతంగా నడుస్తోంది. ఈ పబ్లిషింగ్ హౌస్ ద్వారా ఎన్నో మంచి మంచి పుస్తకాలు పాఠకులకు అందించారు. ఇక ఆయన రచించి పబ్లిష్ చేసిన రోటి పచ్చళ్ళు అనే పుస్తకం ఇప్పటికి ఒక హాట్ కేక్ అనే చెప్పాలి. ఎన్ని మార్లు పబ్లిష్ చేసినా ఈ పుస్తకం హాట్ కేక్ లాగా అమ్ముడయ్యేది. ఇక ఈయన ఫైనాన్షియల్ మార్కెట్ విశ్లేషకులు. ఏకంగా పాతిక సంవత్సరాల పాటు అనేక పత్రికల్లో టీవీ ఛానల్లో ఫైనాన్షియల్ మార్కెట్ విశ్లేషణ పని చేశారు.
