మీరొక వ్యక్తిని ఇష్టపడ్డపుడు అవతలి వ్యక్తికి మీరంటే ఇష్టమా కాదా అని తెలుసుకోవాలని ఉంటుంది. దానికోసం రకరకాల ప్రయత్నాలు చేస్తుంటారు. కానీ అవతలి వారి మనసులో ఏముందో కనిపెట్టడం కష్టం అవుతుంది. అలాంటప్పుడు కొన్ని సంకేతాలని గుర్తించాల్సి ఉంటుంది. మీరు ఇష్టపడ్డ వ్యక్తి మిమ్మల్ని ఇష్టపడుతున్నాడని చెప్పడానికి కొన్ని సంకేతాలు అవసరం అవుతాయి. అలాంటి సంకేతాలు అవతలి వారిలో కనిపిస్తే వారు కూడా మిమ్మల్ని ఇష్టపడుతున్నట్టు లెక్క.
వినడం
మీరు చెప్పేసి సరిగ్గా వింటారు. తరచుగా ప్రశ్నలు వేస్తూ ఉంటారు. ప్రశ్నలు వేస్తున్నారంటే మీరు చెప్పేది సరిగ్గా వింటున్నారని అర్థం. మీకు గుర్తులేని విషయాలని కూడా వారు గుర్తుంచుకుంటారు.
మీ వ్యక్తిగత జీవితంపై ఆసక్తి
మీ వ్యక్తిగత జీవితంపై ఆసక్తి ఎక్కువగా ఉంటుంది. అందుకే తరచుగా మీ వ్యక్తిగత జీవితంలోకి ప్రవేశించాలని చూస్తారు. మీ సమస్యలని వారి సమస్యలుగా భావించి పరిష్కారం కోసం ప్రయత్నిస్తారు. ఎల్లప్పుడూ మీ పక్కన నిలబడడానికే చూస్తారు.
విచిత్ర ప్రవర్తన
మీపై ఆసక్తి ఉన్నవారు ఒక్కోసారి విచిత్రంగా ప్రవర్తిస్తారు. తమకి తెలియకుండానే అలా చేస్తూ ఉంటారు. మిమ్మల్ని ఆకర్షించడానికి చేసే ప్రయత్నాలు విచిత్రంగా అనిపించినపుడు మీరు గమనిస్తూ ఉండాలి. అది మీ దృష్టిలో పడుతుందన్న విషయం వారికి కూడా తెలియదు.
ముందే చెప్పినట్టు మీరు వారికి చెప్పిన ప్రతీ విషయం గుర్తుంచుకుంటారు. ఇష్టమైన రంగు, ఆహారం, అభిరుచులు మొదలైన విషయాలన్నీ గుర్తుంచుకుంటారు. అప్పుడప్పుడు అలా గుర్తుంచుకునే సర్ప్రైజ్ ఇస్తుంటారు.
మీరు ఆడవాళ్ళయితే ఇలాంటి లక్షణాలని సులభంగా గమనించవచ్చు. మగవాళ్ళు ఆడవాళ్ళలో ఇలాంటివి గమనించడం కష్టంగా ఉంటుంది. ఎందుకంటే సాధారణంగా ఆడవాళ్ళు ఎక్కువ ప్రకటించరు. మరీ ముఖ్యంగా ఇలాంటి విషయాల్లో.
