ఒక్కోసారి గొంతులో ఏదో అడ్డపడినట్టు అనిపిస్తుంది. ఏం తిన్నా, కనీసం మంచి నీళ్లు తాగాలన్నా విపరీతమైన నొప్పి వస్తుంది. గొంతునొప్పితో పాటు ఎన్ని మందులు వేసినా తగ్గని పొడి దగ్గు వేధిస్తూ ఉంటుంది. దీనికంతటికీ కారణం ‘కొండ నాలుక’ వాపు రావడం లేదా ఇన్ఫెక్షన్ సోకడమే. చాలా మంది తమ జీవితంలో ఎప్పుడో ఒకప్పుడు ఈ సమస్యను ఫేస్ చేసే ఉంటారు. మరి ఈ ఇబ్బంది నుంచి ఇంట్లోనే ఎలా సులభంగా ఉపశమనం పొందాలో ఇప్పుడు తెలుసుకుందాం..
అసలు కొండ నాలుక ఏం చేస్తుంది?: మన నోరు తెరిస్తే లోపల చిన్నగా వేలాడుతూ కనిపించే భాగమే కొండ నాలుక. ఇది మన శరీరంలో చాలా ముఖ్యమైన పాత్ర పోషిస్తుంది. ఇక మనం తినే ఆహారం నేరుగా జీర్ణాశయంలోకి వెళ్లేలా చేస్తుంది. అలాగే మనం స్పష్టంగా మాట్లాడటానికి, మన స్వర పేటిక సరిగ్గా పనిచేయడానికి కూడా ఇది ఎంతో హెల్ప్ చేస్తుంది.
సమస్య ఎందుకు వస్తుంది?: మిగిలిన శరీర భాగాల లాగే కొండ నాలుక కూడా వైరస్, బ్యాక్టీరియా, లేదా ఫంగల్ ఇన్ఫెక్షన్ల బారిన పడుతూ ఉంటుంది. ఇక దీనివల్ల కొండ నాలుక ఎర్రగా మారి వాచిపోతుంది. మరికొందరిలో ఇది పొడుగ్గా సాగినట్టు అవుతుంది. కొండ నాలుక పొడిబారడం వల్ల కూడా విపరీతమైన దగ్గు వస్తుంది. అందుకే గొంతు ఎప్పుడూ తడిగా ఉండేలా నీళ్లు తాగుతూ ఉండాలి.
అల్లం, తేనెతో అదిరిపోయే చిట్కా: కొండ నాలుక వాపు, ఇన్ఫెక్షన్లను తగ్గించడంలో మన ఇంట్లో ఉండే అల్లం రసం అద్భుతంగా పనిచేస్తుంది. కొద్దిగా అల్లం రసం తీసుకుని, అందులో తగినంత తేనె కలపాలి. ఈ మిశ్రమాన్ని రోజుకు మూడు సార్లు నాకడం లేదా తాగడం చేయాలి. ఇక ఇలా చేస్తే చాలా త్వరగా గొంతు నొప్పి నుంచి ఉపశమనం లభిస్తుంది.
ఇది ఎలా పనిచేస్తుందంటే?:అల్లం, తేనె రెండింటిలోనూ అద్భుతమైన ‘యాంటీ బ్యాక్టీరియల్’, ‘యాంటీ వైరల్’ గుణాలు ఉంటాయి. ఇక ఇవి గొంతులో ఉన్న బ్యాక్టీరియా, వైరస్లను సమర్థవంతంగా ఎదుర్కొంటాయి. కొండ నాలుక వాపును తగ్గించి, గొంతుకు హాయిని ఇస్తాయి.
కొండ నాలుక సమస్య అనేది సాధారణంగా ఇన్ఫెక్షన్ల వల్ల వస్తుంది కాబట్టి, ప్రారంభంలోనే అల్లం, తేనె వంటి వంటింటి చిట్కాలతో దీనికి సులభంగా చెక్ పెట్టవచ్చు. ఇక గొంతు ఇన్ఫెక్షన్లు రాకుండా ఉండాలంటే చల్లటి పదార్థాలకు దూరంగా ఉండటం మంచిది.
గమనిక:ఈ చిట్కాలు పాటించినప్పటికీ రెండు మూడు రోజుల్లో నొప్పి లేదా వాపు తగ్గకపోతే, అలాగే గుటక వేయడం మరీ కష్టంగా మారితే ఆలస్యం చేయకుండా వెంటనే డాక్టర్ను సంప్రదించి తగిన వైద్యం తీసుకోవాలి.
