దేశవ్యాప్తంగా రాజకీయ ప్రకంపనలు సృష్టించిన మొయినాబాద్ ఫామ్ హౌస్ లో ఎమ్మెల్యేల కొనుగోలు కేసులో ఏర్పాటైన సిట్ దర్యాప్తు వేగవంతం చేసింది. ఇందులో భాగంగా ఈ కేసులో కీలకంగా ఉన్న తుషార్ కు నోటీసులు జారీ చేసింది. ఈనెల 21న సీట్ ఎదుట విచారణకు హాజరుకావాలని నోటీసులలో పేర్కొంది. బయటపడ్డ వీడియోలలో రామచంద్ర భారతి, ఎమ్మెల్యే పైలట్ రోహిత్ రెడ్డి ల సంభాషణలో తుషార్ పేరు పదేపదే వినిపించిన సంగతి తెలిసిందే.
అయితే అతనిని విచారిస్తే మరిన్ని వివరాలు తెలిసే అవకాశం ఉందని సిట్ భావిస్తుంది. ఈ నేపథ్యంలోనే ఆయనకు సిట్ నోటీసులు జారీ చేసినట్లుగా సమాచారం. అయితే తుషార్ ప్రస్తుతం కేరళ ఎన్డీఏ కన్వీనర్ గా ఉన్నారు. మరోవైపు కేరళలో సీట్ అధికారులు రెండు బృందాలుగా విడిపోయి తనిఖీలు చేస్తున్నారు.
