IPL 2025 to be played from March 14 to May 25: ఐపీఎల్ 2025 టోర్నీకి సంబంధించి బోర్డ్ ఆఫ్ కంట్రోల్ ఫర్ క్రికెట్ ఇన్ ఇండియా (BCCI) కీలక ప్రకటన చేసింది. తదుపరి మూడు IPL సీజన్‌ల తేదీలను ప్రకటించింది. ఐపీఎల్ 2025 సీజన్, మార్చి 14 (శుక్రవారం) నుంచి మే 25 (ఆదివారం) వరకు నిర్వహించనున్నట్లు BCCI ప్రకటన చేసింది.
2026, 2027 షెడ్యూల్‌లను కూడా ప్రకటించింది BCCI. 2026 టోర్నమెంట్ మార్చి 15 (ఆదివారం) నుంచి మే 31 (ఆదివారం) జరుగనుంది. 2027 టోర్నమెంట్ మార్చి 14 (ఆదివారం) నుండి మే 30 (ఆదివారం) నిర్వహిస్తారు. ఇదిలా ఉండగా, ఈ సీజన్‌లో జోఫ్రా ఆర్చర్ అందుబాటులో ఉన్నట్లు బీసీసీఐ ధృవీకరించింది. బార్బడోస్‌లో జన్మించిన ఇంగ్లీష్ బౌలర్ జోఫ్రా ఆర్చర్..ఈ లీగ్‌లో ఎక్కువ ధర పలికే ఛాన్స్‌ ఉంది.ఇక ఐపీఎల్ 2025 పూర్తి సీజన్‌కు అందుబాటులో ఉంటాడట జోఫ్రా ఆర్చర్.
