టోక్యో: ఒలింపిక్స్‌లో భారత్‌కు మరో పతకం ఖాయంగా కనిపిస్తోంది. భారత బాక్సర్ lovlina లవ్లీనా సెమీస్‌కు దూసుకెళ్లారు. బాక్సింగ్ క్వార్టర్స్‌లో చైనీస్ తైపీ బాక్సర్ పై లవ్లీనా అద్భుత విజయం సాధించారు. 69 కిలోల విభాగంలో నీన్ చిన్ చైన్‌పై 4-1 తేడాతో భారత బాక్సర్ లవ్లీనా గెలుపొందారు. ఈ గెలుపుతో ఒలింపిక్స్‌లో పతకాన్ని ఖాయం చేసుకున్నారు. సెమీస్‌లో గెలిచినా, ఓడినా పతకం గ్యారెంటీగా దక్కుతుంది.
కాగా ఒలింపిక్స్ క్రీడలు ప్రారంభమైనప్పటినుంచే లవ్లీనా బాక్సింగ్‌లో అదరగొడుతున్నారు. గ్రూప్, క్వాలిఫైయింగ్, ప్రీక్వార్టర్స్, క్వార్టర్స్‌లో వరుసగా విజయం సాధిస్తూ వస్తున్నారు. ప్రీకార్టర్స్‌లో జర్మన్ బాక్సర్‌ను లవ్లీనా 3-2తో ఓడించారు. దాంతో ఆమె క్వార్టర్స్‌కు చేరారు. క్వార్టర్స్‌లో కూడా అద్భుత ప్రదర్శన కనబర్చి సెమీస్‌కు చేరుకున్నారు. సెమీస్‌లో కూడా సత్తా చాటాలని లవ్లీనా భావిస్తున్నారు.
