ఎప్పుడైనా బంగాళదుంప రసం వల్ల ఎలాంటి లాభాలు కలుగుతాయో తెలుసుకున్నారా..? నిజంగా బంగాళాదుంప రసం మనకు ఎంతగానో ఉపయోగపడుతుంది. ఎన్నో సమస్యల్ని ఇట్టే తరిమికొట్టేస్తుంది. అయితే ఈ రోజు బంగాళదుంప రసం గురించి, దాని వల్ల కలిగే లాభాలు గురించి చూద్దాం. మరిక ఆలస్యమెందుకు దీని కోసమే పూర్తిగా చూసేద్దాం.
బంగాళదుంప రసం అంటే ఏమిటి..?
ఇది పచ్చి బంగాళదుంప నుంచి వస్తుంది. నిపుణులు చెబుతున్న దాని ప్రకారం దీనిలో విటమిన్ బి, విటమిన్ సి, పొటాషియం, క్యాల్షియం, ఐరన్ సమృద్ధిగా ఉంటాయి. రోగనిరోధక శక్తిని పెంపొందించడానికి కూడా ఇది బాగా ఉపయోగపడుతుంది.
బంగాళదుంప రసాన్ని ఎలా తయారు చేయాలి..?
దీని కోసం మీరు 4 మీడియం సైజ్ బంగాళదుంపలు తీసుకొని ముక్కలుగా కట్ చేసి మిక్సీ పట్టేసి ఆ తర్వాత రసాన్ని పిండేయాలి. దీనికి ఎలాంటి రుచి కూడా ఉండదు.
బంగాళదుంప రసం వల్ల కలిగే లాభాలు:
ఇమ్యూనిటీ పెరుగుతుంది:
ఇందులో విటమిన్ సి సమృద్ధిగా ఉంటుంది. జలుబు, ఇన్ఫెక్షన్స్ రాకుండా చూసుకుంటుంది. ఇమ్యూనిటీని పెంపొందించుకోవచ్చు.
అల్సర్ సమస్యని తగ్గిస్తుంది:
గ్యాస్ట్రో ఇంటెస్టినల్ హెల్త్ కి ఇది చాలా మంచిది. ఉదయం పూట బంగాళదుంప రసాన్ని రెగ్యులర్ గా తీసుకుంటే అల్సర్ సమస్య తగ్గుతుంది. ఆర్థరైటిస్ తో బాధపడేవారికి కూడా ఇది ఎంతో మేలు చేస్తుంది.
లివర్ ఆరోగ్యానికి మంచిది:
లివర్ ఆరోగ్యానికి బంగాళాదుంప రసం బాగా ఉపయోగపడుతుంది. లివర్ మరియు గాల్ బ్లాడర్ ని ఇది శుభ్రం చేస్తుంది.
కొలెస్ట్రాల్ ను తగ్గిస్తుంది:
శరీరంలో ఉండే కొలెస్ట్రాల్ లెవల్స్ తగ్గించడానికి కూడా బంగాళదుంపలు రసం బాగా ఉపయోగపడుతుంది. ఇందులో ఫైబర్ విటమిన్ ఏ, బీ కాంప్లెక్స్ ఉంటాయి. అలానే ఎనర్జిటిక్ గా కూడా ఇది మారుస్తుంది.
కాన్స్టిపేషన్ సమస్య ఉండదు:
దీనిలో ఫైబర్ సమృద్ధిగా ఉంటుంది. ఇది అజీర్తి సమస్యలు తగ్గిస్తుంది. అలాగే కాన్స్టిపేషన్ సమస్య కూడా ఉండదు.
క్యాన్సర్ రిస్క్ తగ్గుతుంది:
బంగాళాదుంప రసం తీసుకోవడం వల్ల క్యాన్సర్ రిస్కు కూడా తగ్గుతుందని స్టడీ ద్వారా తెలుస్తోంది. ఇలా ఈ లాభాలని బంగాళాదుంప రసం తో మనం పొందొచ్చు.
