కిర్గిస్థాన్‌లో తెలంగాణ విద్యార్థుల భద్రత కోసం వెంటనే పటిష్ట చర్యలు తీసుకోవాలని కేంద్ర, రాష్ట్ర ప్రభుత్వాలకు ఎమ్మెల్యే హరీష్ రావు విజ్ఞప్తి చేశారు.
కిర్గిస్థాన్‌ రాజధాని బిష్క్‌క్‌లోని భారతీయ విద్యార్థులను లక్ష్యంగా చేసుకుని హింసాత్మక సంఘటనలు జరుగుతున్నాయి. అయితే ఈ సంఘటనలు తీవ్ర ఆందోళన కలిగిస్తున్నాయన్నారు హరీష్ రావు . ఆ హింసలో పలువురు ఇండియాకి చెందిన స్టూడెంట్స్ గాయపడ్డారని ,మన దేశ విద్యార్థులతో పాటు వివిధ దేశాల విద్యార్థులపై స్థానికులు దాడులు చేయడంతో పరిస్థితి దిగజారిందని హరీష్ రావు ఆందోళన వ్యక్తం చేశారు. ఈ సంక్షోభాన్ని గట్టెక్కడానికి, విద్యార్థుల భద్రతపై వారి కుటుంబాలకు భరోసా ఇవ్వడానికి ముఖ్యమంత్రి కార్యాలయంతో పాటు భారత విదేశాంగ మంత్రి జైశంకర్, బిష్కెక్‌లోని భారత రాయబార కార్యాలయ అధికారులు దౌత్యపరంగా పటిష్టమైన చర్యలు తీసుకోవాల్సిన అవసరం ఉన్నదని కోరారు.
