ప్రపంచ వ్యాప్తంగా క్రికెట్ టోర్నమెంట్ లు విపరీతంగా జరుగుతున్న విషయం తెలిసిందే. ఇక ఆల్ రౌండర్ లుగా నాణ్యంగా ప్లేయర్ లకు మంచి గిరాకీ ఉంటుంది. అలా వెస్ట్ ఇండీస్ కు చెందిన ఆల్ రౌండర్ సునీల్ నరైన్ ప్రపంచంలో జరిగే అన్ని టోర్నమెంట్ లు ఆడుతూ కోట్ల రూపాయలు వెనకేసుకుంటున్నాడు. తాజాగా అందుతున్న సమాచారం ప్రకారం సునీల్ నరైన్ గంటల కాలంలో నాలుగు టీ 20 మ్యాచ్ లను ఆడనున్నట్లు తెలుస్తోంది. ఈ సమయంలో 14500 కిలోమీటర్స్ ప్రయాణం చేసి అమెరికా మరియు ఇంగ్లాండ్ దేశాలలో నాలుగు మ్యాచ్ లు ఆడనున్నాడు. షెడ్యూల్ ప్రకారం గురువారం డల్లాస్ లో ప్రారంభం కానున్న MLC లో నరైన్ LA నైట్ రైడర్స్ తరపున బరిలోకి దిగనున్నాడు. ఆ తర్వాత వెంటనే ఇంగ్లాండ్ కు బయలుదేరి వెళ్లి సర్రే తరపున సెమీఫైనల్ మ్యాచ్ ను ఆడనున్నాడు.
