కానిస్టేబుల్‌ రిక్రూట్‌మెంట్‌ కోసం వచ్చిన అప్లికేషన్లు పోలీసులనే కాకుండా సామాన్యులను కూడా షాక్‌కి గురిచేశాయి.ఉత్తరప్రదేశ్ పోలీస్ రిక్రూట్ మెంట్ పరీక్షకు సంబంధించిన అడ్మిట్ కార్డుపై నటి సన్నీలియోన్ ఫొటో దర్శనమిచ్చింది. ఆమె పేరు, ఫొటోతో ఉన్న అడ్మిట్ కార్డు నెట్టింట వైరల్ అవుతోంది. UPPRB వెబ్సైట్లో సన్నీలియోన్ ఫొటోతో రిజిస్ట్రేషన్ జరిగినట్లు అధికారులు గుర్తించారు.
సన్నీలియోన్ పేరుతో అప్లై చేసుకున్న వ్యక్తి తిర్వా పట్టణంలోని సోనేశ్రీ బాలికల కళాశాల కేంద్రానికి వచ్చినట్లు విచారణలో తేలింది.దీనిపై పోలీసులు విచారణ జరుపుతున్నారు. యూపీలోని 75 జిల్లాల్లోని 2,385 పరీక్షా కేంద్రాల్లో నిన్న ఈ నియామక పరీక్ష జరిగింది.60 వేల 244 పోస్టులకు 48 లక్షలకు పైగా దరఖాస్తులు వచ్చాయి.
