భారత తదుపరి ప్రధాన న్యాయమూర్తిగా జస్టిస్ డీవై చంద్రచూడ్ను ప్రమాణ స్వీకారం చేయకుండా నిరోధించాలని కోరుతూ దాఖలైన పిటిషన్ను సుప్రీం కోర్టు తిరస్కరించింది. పిటిషన్ను స్వీకరించడానికి తమకు ఎటువంటి కారణం కనిపించలేదని తెలిపింది. దురుద్దేశంతో పిటిషన్ దాఖలు చేసినట్లు అభిప్రాయపడింది.
పిటిషన్పై త్వరితగతిన విచారణ చేపట్టాలని సీజేఐ యూయూ లలిత్తో కూడిన త్రిసభ్య ధర్మాసనం ముందు ప్రత్యేకంగా ప్రస్తావించారు పిటిషనర్ ముర్సలిన్ అసిజిత్. గురువారం విచారణ చేపట్టాలని సీజేఐ ధర్మాసనానికి విజ్ఞప్తి చేశారు పిటిషనర్. స్పందించిన సీజేఐ ధర్మాసనం ఇవాళ మధ్యాహ్నమే ప్రత్యేకంగా విచారణ చేపట్టింది.
జస్టిస్ చంద్రచూడ్పై పలు ఆరోపణలు చేస్తూ రషీద్ పఠాన్ అనే వ్యక్తి రాష్ట్రపతికి చేసిన ఫిర్యాదు ఆధారంగా ఈ వ్యాజ్యం దాఖలు చేశారు పిటిషనర్. అందులో లేవనెత్తిన అంశాలకు సంబంధించి ఆధారాలు చూపాలని సీజేఐ కోరారు. అందుకు పిటిషనర్ సరైన ఆధారాలు చూపకపోవడం వల్ల పిటిషన్ను కొట్టివేశారు. వ్యాజ్యం అంతా తప్పుడు అంశాలతో ఉందని, దురుద్దేశపూర్వకంగా దాఖలు చేశారని ధర్మాసనం వ్యాఖ్యానించింది.
