2024 టీ20 వరల్డ్ కప్ లో భాగంగా రా. 8 గంటలకు న్యూయార్క్ వేదికగా భారత్-పాక్ జట్ల మధ్య హైఓల్టేజ్ మ్యాచ్ జరగనుంది. ఈ మ్యాచ్ కోసం అభిమానులు ఎంతగానో ఆసక్తిగా ఎదురు చూస్తూ ఉన్నారు.న్యూయార్క్ లోని నసావు కౌంటీ ఇంటర్నేషనల్ క్రికెట్ స్టేడియం వేదికగా ఈ మ్యాచ్ జరగనుంది.
ప్రస్తుతం స్టేడియం వద్ద వాతావరణం ఆహ్లాదకరంగా ఉంది. ఆకాశమంతా మబ్బులతో నిండి ఉండగా మ్యాచు వర్షం అంతరాయం కలిగించకపోవచ్చని క్రికెట్ విశ్లేషకులు అంచనా వేస్తున్నారు. రాత్రి 8 గంటలకు దాయాదుల మధ్య పోరు ప్రారంభం కానుండగా ఆ సమయంలో వర్ష సూచన 15శాతం మేర ఉంది.ఈ మ్యాచ్ లో అన్ని విభాగాల్లో పటిష్టంగా కనిపిస్తున్న భారత్ ఫేవరేట్ గా దిగుతుంటే.. అమెరికాతో ఓటమి తర్వాత పాకిస్థాన్ తీవ్ర ఒత్తిడిలో కనిపిస్తోంది.
