రాజకీయంలో శాశ్వత శత్రువులు, మిత్రులు ఉండరని విషయాన్ని టిడిపి-బీజేపీ నాయకుల వ్యాఖ్యలను చూస్తే అర్ధమవుతుంది. కొన్ని నెలల క్రితం జరిగిన ఎన్నికల్లో ఒకరిని ఒకరు వ్యక్తిగత విషయాలతో సహా విమర్శించుకున్నారు. అయితే ఇప్పుడు ఆంధ్రప్రదేశ్ రాజకీయంలో టిడిపి-బిజెపి నాయకుల మధ్య కొత్త మైత్రి ఏర్పడింది. 2019 ఎన్నికల్లో టిడిపి తమతో కలిసి పోటీ చేయలేదని బాధపడ్డ బిజెపి నాయకులు ఒక్క ఫోన్ కాల్ తో టిడిపితో మైత్రికి సిద్ధమయ్యారు. 
బిజెపి – టిడిపిల మధ్య ఏర్పడుతున్న మైత్రిపై జనసేన నాయకుడు ఎలా స్పందిస్తారోనని ప్రజలు వేచి చూస్తున్నారు. ఎందుకంటే గతంలో టిడిపితో పొత్తు లో ఉన్న పవన్ కళ్యాణ్ తరువాత టిడిపి విధానాలు నచ్చక విడిపోయిన విషయం తెలిసిందే.
