డిగ్రీ ప్రవేశాలు పొందే విద్యార్థులకు తెలంగాణ ప్రభుత్వం శుభవార్త చెప్పింది. డిగ్రీ ప్రవేశాల ”దోస్త్” మొదటి విడత రిజిస్ట్రేషన్ గడువు ఈ నెల 28 వరకు పొడగిస్తూ… తెలంగాణ సర్కార్‌ కీలక నిర్ణయం తీసుకుంది. కరోనా మహమ్మారి నేపథ్యంలో ఈ నిర్ణయం తీసుకుంది తెలంగాణ సర్కార్‌.
ఈ పొడగింపు కారణంగా మొదటి విడత సీట్ల కేటాయింపు ఆగస్ట్ 4న ఉండనుంది. అలాగే… సీట్లు పొందిన వారు ఆగస్ట్ 9 వరకు ఆయా కాలేజీల్లో ఆన్లైన్ సెల్ఫ్ రిపోర్ట్ చేయాల్సి ఉంటుంది. ఇక రెండో విడత రిజిస్ట్రేషన్స్, వెబ్ ఆప్షన్స్ ఆగస్ట్ 5 నుండి 18 వ తేదీ వరకు కొనసాగనున్నాయి. అలాగే.. రెండో విడత సీట్ల కేటాయింపు ఆగస్టు 25 న ఉండనుంది. ఇక సీట్లు పొందిన వారు ఆగస్ట్ 31 లోపు కాలేజీల్లో ఆన్లైన్ సెల్ఫ్ రిపోర్ట్ చేయాల్సి ఉంటుంది. కాగా… ఇప్పటి వరకు దోస్త్ లో రిజిస్ట్రేషన్ చేసుకున్న విద్యార్థులు సంఖ్య
లక్షా 88 వేల 720కు చేరుకుంది.
