పార్లమెంట్ సమావేశాలు కొనసాగుతున్న తరుణంలో తెలంగాణకు చెందిన కాంగ్రెస్ కీలక నేతలు గురువారం ఉదయం పార్లమెంటు హాలులో ఏఐసీసీ అధినేత్రి సోనియా గాంధీని మర్యాదపూర్వకంగా కలిశారు. వక్ఫ్ బిల్లును నేడు రాజ్యసభలో ప్రవేశపెట్టనున్న తరుణంలో సోనియా గాంధీ పార్లమెంట్ సెంట్రల్ హాల్‌కు విచ్చేశారు.
ఈ క్రమంలోనే బీసీ రిజర్వేషన్ అమలు చేయాలని ఢిల్లీలో నిన్న జంతర్ మంతర్ వద్ద తలపెట్టిన ధర్నాలో పాల్గొనేందుకు వెళ్లిన తెలంగాణ నేతలు పార్లమెంట్ హాల్‌లో సోనియా గాంధీని కలిశారు.ఆమెను కలిసిన వారిలో టీపీసీసీ చీఫ్ మహేష్ కుమార్ గౌడ్, మంత్రులు కొండా సురేఖ, పొన్నం ప్రభాకర్, విప్ లు బీర్ల ఐలయ్య, ఆది శ్రీనివాస్, బీసీ ఎమ్మెల్యేలు, ఎంపీలు చామల కిరణ్ కుమార్ రెడ్డి, కడియం కావ్య, అనిల్ కుమార్ యాదవ్, కాంగ్రెస్ నేతలు ఉన్నారు.
