పెళ్లి… ఓ నూరేళ్ల అనుబంధం. కొంతమంది అరేంజ్డ్ మ్యారేజ్ చేసుకుంటూ ఉంటారు. మరికొంతమంది లవ్ మ్యారేజ్ చేసుకుంటారు. అరేంజ్ మ్యారేజ్ చేసుకున్నవారి కంటే లవ్ మ్యారేజ్ చేసుకున్నవారు ఈ మధ్యలో ఎక్కువ ఉంటున్నారు. అయితే తాజాగా తెలంగాణ రాష్ట్రంలో వింత పెళ్లి జరిగింది. ట్రాన్స్ జెండర్ ను ఓ యువకుడు లవ్ మ్యారేజ్ చేసుకున్నాడు.
ఈ సంఘటన తెలంగాణలోని ఖమ్మం జిల్లాలో చోటుచేసుకుంది. నక్షత్ర అనే ట్రాన్స్ జెండర్… ఏపీలోని ఎన్టీఆర్ జిల్లా విస్సన్నపేటకు చెందిన నందు కొంతకాలంగా సోషల్ మీడియాలో వేదికగా ప్రేమించుకున్నారు. పెళ్లి చేసుకోవాలని నిర్ణయించుకున్నారు. ఈ విషయాన్ని ట్రాన్స్ జెండర్ సంఘం సభ్యులకు తెలుపగా…. ఏనుకూరు మండలంలోని గార్ల ఒడ్డు శ్రీ లక్ష్మీనరసింహస్వామి గుడిలో వారిద్దరికీ ఆదివారం పెళ్లి జరిపించారు. దీనికి సంబంధించిన ఫోటోలు ఇప్పుడు వైరల్ గా మారాయి.
