అయ్యప్ప మాలధారులు దర్గాను దర్శించుకోవద్దని గోషామహల్ ఎమ్మెల్యే రాజాసింగ్ సంచలన వ్యాఖ్యలు చేశారు. ముఖ్యంగా ఆయన శబరిమల ఆలయానికి వెళ్లే భక్తులకు కీలక సూచనలు సూచించారు. శబరి మల వెళ్లే స్వాములు వావర్ దర్గాకు వెళ్లకూడదన్నారు. మనం అలా వెళ్లడం పాపం అంటూ రాజాసింగ్ సంచలన వ్యాఖ్యలు చేశారు. శబరిమలకు సమీపంలో ఉన్న వావర్ దర్గాను అయ్యప్ప స్వామి భక్తులు దర్శించడం ఆనవాయితీగా వస్తోందని తెలిపారు.
అయ్యప్ప కు వావర్ సన్నిహితుడనే ప్రచారం ఉంది. అయితే తాజాగా రాజాసింగ్ చేసిన వ్యాఖ్యలు ఇప్పుడు దుమారం రేపుతున్నాయి. చరిత్ర పై పెద్ద ఎత్తున చర్చ జరుగుతోంది. మరోవైపు మెగా పవర్ స్టార్ రామ్ చరణ్ కడప దర్గాకు వెళ్లడంతో వావర్ స్వామి దర్గా వార్తల్లోకి వచ్చింది. ఈ దర్గాను దర్శించుకుంటేనే శబరిమల దర్శనం పూర్తి అవుతుందని కొన్ని శక్తులు కుట్రలు చేస్తున్నాయని.. మాలలో ఉన్నప్పుడు శవం కనిపిస్తేనే స్నానం చేస్తాం. అలాంటిది ఓ సమాధిని దర్శించుకోవాలా..? మీరు అర్థం చేసుకోండి అని ఆసక్తికర వ్యాఖ్యలు చేశారు రాజాసింగ్.
