వెలుగుల పండుగ దీపావళిని తెలుగు రాష్ట్రాల ప్రజలు ఘనంగా జరుపుకున్నారు. హైదరాబాద్ లో ఆనందోత్సాహాల నడుమ దీపావళి వేడుకలు జరుపుకున్నారు. నగరవ్యాప్తంగా పెద్ద ఎత్తున బాణాసంచా కాల్చుతూ వేడుకలు చేసుకున్నారు. వరంగల్ లోను పండుగ జోష్ కనిపించింది. టపాసుల ధరలు ఎక్కువగా ఉన్న ప్రజలు పెద్ద ఎత్తున కొనుగోలు చేసి సంబరాలు చేసుకున్నారు.
వరంగల్ నగరం అంతటా వెలుగులు నిండాయి. అయితే… బిజెపి ఎంపీ బండి సంజయ్ వినూత్నంగా స్మశాన వాటికలో దీపావళి సంబరాలు చేసుకున్నారు. కరీంనగర్ లోని దళిత కుటుంబాలు ఏటా దీపావళి రోజున స్మశానంలో తమ పెద్దలు, పూర్వీకుల సమాధులను అలంకరించి దీపాలు వెలిగిస్తారు. ఈ కార్యక్రమానికి సంజయ్ కూడా హాజరయ్యారు. వారిని ఆప్యాయంగా పలకరించారు. దళిత పెద్దల సమాధుల వద్ద నివాళులు అర్పించారు.
