తెలంగాణ రాష్ట్ర సీఎం కేసీఆర్ ఎన్నికల ప్రచారం చాలా విజయవంతంగా కొనసాగుతోంది. ఇప్పటికే 70 నియోజక వర్గాల్లో ప్రచారం చేశారు సీఎం కేసీఆర్. ఇక ఇప్పుడు రెండో విడత ప్రచారం లో దూసుకుపోతున్నాడు సీఎం కేసీఆర్. ఇందులో భాగంగానే..నేడు ఉమ్మడి మెదక్‌, ఆదిలాబాద్, నిజామాబాద్ జిల్లాలలో సీఎం కేసీఆర్ పర్యటించనున్నారు.
ఎన్నికల ప్రచారం లో భాగంగా బోథ్‌, నిజామాబాద్ రూరల్‌, నర్సాపూర్‌ ప్రజా ఆశీర్వాద సభల్లో పాల్గొననున్నారు సీఎం కేసీఆర్. మొదటగా నర్సాపూర్‌ నియోజకవర్గ కేంద్రంలో ఏర్పాటు చేసిన ప్రజా ఆశీర్వాద సభలో బిఆర్ఎస్ అధినేత సిఎం కేసీఆర్ పాల్గొంటారు. ఆ తర్వాత నిజామాబాద్ జిల్లా కేంద్రంలోని ప్రజా ఆశీర్వాద సభలో పాల్గొంటారు. ఆ తర్వాత, ఆదిలాబాద్, బోథ్‌ నియోజకవర్గ కేంద్రంలోని సభలో కేసీఆర్ పాల్గొంటారు. ఈ మేరకు ప్రత్యేక హెలికాప్టర్‌ లో నేడు నిజామాబాద్ జిల్లాలో సీఎం కేసీఆర్ పర్యటించనున్నారు. కాగా నిన్న సీఎం కేసీఆర్ హెలికాప్టర్‌ లో సాంకేతిక సమస్య తలెత్తిన సంగతి తెలిసిందే.
