ఆదిలాబాద్ జిల్లాలో ఘోర రోడ్డు ప్రమాదం చోటు చేసుకుంది. ఈ రోడ్డు ప్రమాదంలో ఏకంగా నలుగురు ప్రయాణికులు స్పాట్ డెడ్ అయ్యారు. ఈ సంఘటన వివరాల్లోకి వెళితే..ఆదిలాబాద్ జిల్లా గుడి హాత్నూర్ మండలం మేకల గండి వద్ద ఈ ఘోర రోడ్డు ప్రమాదం జరిగింది.
ఆటోను ఢీ కొట్టింది గుర్తు తెలియని వాహనం. దీంతో నలుగురు ప్రయాణికులు అక్కడిక్కడే మృతి చెందారు. ఈ ప్రమాద సమయం లో ఆటోలో 9 మంది ప్రయాణికులు ఉన్నారని సమాచారం. ఇచ్చోడకు వెళ్లి వస్తుండగా ఈ ప్రమాదం జరిగింది. ఏ వాహనం ఢీ కొట్టిందనే విషయంపై సీసీ కెమెరా ఫుటేజీని పరిశీలిస్తున్నారు పోలీసులు. మృతులు శైలజ, పొచ్చన్న, సలోమీ, గంగు ఉన్నారు. గాయపడ్డ వారు…మడవి ప్రేమ్ సాగర్, మడవి దీపక్, తేజ వర్ధన్, ఆరాధ్య, చిన్ని ఉన్నారు.
