నల్గొండ జిల్లా మునుగోడు మండలం ఊకొండి వద్ద కాల్పుల కలకలం రేగింది. బైకుపై వెళ్తున్న యువకుడిపై కొందరు దుండగులు కాల్పులకు తెగబడ్డారు. యువకుడిపై మూడు రౌండ్ల కాల్పులు జరిపారు.
ఈ ఘటనలో బాధితుడికి తీవ్రగాయాలు కాగా.. వెంటనే నార్కట్‌పల్లి కామినేని ఆస్పత్రికి తరలించారు. బాధితుడు బ్రాహ్మణవెళ్లెంల గ్రామానికి చెందిన లింగస్వామిగా గుర్తించారు. కాల్పుల ఘటనపై సమాచారం అందుకున్న పోలీసులు దర్యాప్తు చేపట్టారు. బాధితుడు కోమటిరెడ్డి స్వగ్రామానికి చెందిన వాడిగా పోలీసులు గుర్తించారు.
