రంగారెడ్డి జిల్లా మొయినాబాద్ లో పోలీస్ స్టేషన్ పరిధిలో ముజ్రా పార్టీని ఎస్వోటీ పోలీసులు భగ్నం చేశారు. ఫామ్ హౌస్ లో అర్థ నగ్నంగా నృత్యాలు చేస్తున్న అమ్మాయిలు, అబ్బాయిలను అరెస్ట్ చేశారు. డ్రగ్స్ తో పాటు పెద్ద మొత్తంలో మద్యాన్ని పోలీసులు స్వాధీనం చేసుకున్నారు. ముజ్రా పార్టీ నిర్వమించిన నిర్వాహకుడిని అరెస్ట్ చేసి పోలీస్ స్టేషన్ కు తరలించారు. మొయినాబాద్ మండలం ఏతబర్ పల్లి గ్రామ శివారులోని హాలీడే ఫామ్ హౌస్ లో పుట్టిన రోజు వేడుకల పేరుతో కొందరూ యువకులు ముజ్రా పార్టీ చేసుకున్నారు.
పార్టీ కోసం నిర్వాహకుడు ముంబై నుంచి యువతులను రప్పించాడు. పార్టీలో అమ్మాయిలు, అబ్బాయిలు కలిసి గంజాయి, హుక్కా పీలుస్తూ ఈ లోకాన్నే మైమరిచిపోయారు. ముజ్రా పార్టీ జరుగుతుందన్న సమాచారంతో ఎస్ వోటీ పోలీసులు హాలీ డే ఫామ్ హౌస్ పై దాడులు చేశారు. హాలీడే ఫామ్ హౌస్ పై దాడిలో ఎస్వోటీ పోలీసులు 7 మంది అమ్మాయిలతో పాటు 12 యువకులను అరెస్ట్ చేశారు.
