ఈ నెల 16న సీఎం కేసీఆర్ చేతుల మీదుగా పాలమూరు-రంగారెడ్డి ఎత్తిపోతల వెట్ రన్ ప్రారంభం కానుంది. ఈ తరుణంలోనే నార్లాపూర్ ఇన్ టేక్ వద్ద స్విచ్ ఆన్ చేసి ప్రారంభించనున్నారు సీఎం కేసీఆర్. ప్రపంచంలోనే భారీ పంపులతో ఎత్తిపోతలకు పాలమూరు రంగారెడ్డి ఎత్తిపోతల ప్రాజెక్టు సిద్ధమైంది.
2 కిలో మీటర్ల దూరంలోని నార్లపూర్ రిజర్వాయర్ లోకి నీటి ఎత్తిపోత చేయనుంది ఈ ప్రాజెక్టు. ఈ సందర్భంగా కృష్ణమ్మ తల్లికి ప్రత్యేక పూజలు నిర్వహించనున్న సీఎం కేసీఆర్..నార్లాపూర్ ఇన్ టేక్ వద్ద స్విచ్ ఆన్ చేసి ప్రారంభించనున్నారు. అదే రోజు భారీ బహిరంగ సభ నిర్వహణ కూడా ఉండనుంది.
పాలమూరు- రంగారెడ్డి ఎత్తిపోతల పథకం అడ్డంకులు తొలిగినందుకు గ్రామాల్లో దేవాలయాల్లో దేవుళ్ల పాదాలను పాలమూరు జలాలతో అభిషేకం చేసి మొక్కు తీర్చుకోవాలని ఈ సందర్భంగా సిఎం కేసీఆర్ కోరారు. పాలమూరు-రంగారెడ్డి ప్రాజెక్టు నీళ్లు రావడం దక్షిణ తెలంగాణ కు పండుగ రోజుగా ఆయన పేర్కొన్నారు. కాళేశ్వరం ప్రాజెక్టు పూర్తి చేసిన స్ఫూర్తితోనే పాలమూరు రంగారెడ్డిని పూర్తి చేయాలని ఆయన అధికారులను కోరారు.
