సీఎం కేసీఆర్ కామారెడ్డి నియోజక వర్గంలో గెలిచేందుకు వ్యూహాలు రచిస్తున్నారు. ఇందులో భాగంగానే ఇవాళ కామారెడ్డి జిల్లా బి.ఆర్.ఎస్. ముఖ్య నేతల కు ప్రగతి భవన్ నుంచి పిలుపు వచ్చింది. తెలంగాణ సీఎం కేసీఆర్ కామారెడ్డి నుంచి పోటీ చేస్తుండటంతో.. ఆ నియోజక వర్గంపై గులాబీ పార్టీ ఫోకస్ చేసింది.
ఈ నెల 7న ప్రగతి భవన్ లో జిల్లా ముఖ్య నేతలతో సీఎం కేసీఆర్ సమావేశం కానున్నారు. ఈ సందర్భంగా కామారెడ్డి నియోజకవర్గ అభివృద్ధి పై చర్చించే అవకాశం ఉంది. మండలం నుంచి 5 నుంచి 10 మందికి చాన్స్ ఉంది. క్యాడర్ ను ఎన్నికలకు సమాయత్తం చేయనున్న గులాబీ బాస్ కేసీఆర్.. ప్రజల్లోకి వెళ్లాలని ఆదేశించనున్నారు. సీఎం కేసీఆర్ తో తొలి సమావేశం పై కామారెడ్డి నేతల్లో ఆసక్తి నెలకొంది.
