ఇంటర్ కాలేజీలకు సెలవులు ప్రకటించింది తెలంగాణ సర్కార్. జూనియర్ కాలేజీలకు జనవరి 13 నుంచి 16 వరకు సంక్రాంతి సెలవులు ప్రకటించారు. ప్రభుత్వ, ప్రైవేటు జూనియర్ కాలేజీలన్నింటికీ ఈ సెలవులు వర్తిస్తాయని…. యాజమాన్యం విద్యార్థులకు సెలవులు ఇవ్వాలని అధికారులు ఆదేశించారు. ఈ నెల 22 నుంచి 29 వరకు ప్రీ ఫైనల్ ఎగ్జామ్స్ నిర్వహిస్తారు. అటు స్కూళ్లకు ఈ నెల 12 నుంచి 17 వరకు సంక్రాంతి సెలవులు ఇచ్చారు.
ఇక అటు తెలంగాణ ప్రభుత్వం సంక్రాంతి పండుగకు సంబంధించి అధికారికంగా పాఠశాలలకు సెలవులను ప్రకటించింది. సంక్రాంతి పండుగ నేపథ్యంలో జనవరి 12వ తేదీ నుంచి 17వ తేదీ వరకు సెలవులు ఉంటాయని ఓ ప్రకటనలో తెలిపింది. ఈ క్రమంలో మిషనరీ స్కూల్ లకు మినహా అన్ని స్కూళ్లకు ఈ సెలవులు వర్తిస్తాయని వెల్లడించింది. సంక్రాంతి సెలవులు జనవరి 12వ తేదీ ప్రారంభం కానున్నాయి. మరుసటి రోజు రెండో శనివారము ఆ తర్వాత 14 ఆదివారం భోగి పండుగ, 15వ తేదీ సోమవారం సంక్రాంతి పర్వదినం. 16వ తేదీ కనుమ పండుగ. 17వ తేదీన ప్రభుత్వం పాఠశాలలకు అదనంగా సెలవు ఇచ్చింది.
