తెలంగాణలో గత బీఆర్ఎస్ ప్రభుత్వ హయాంలో ఛత్తీస్గఢ్ నుంచి జరిగిన విద్యుత్ కొనుగోళ్లు, భద్రాద్రి, యాదాద్రి థర్మల్ విద్యుత్ కేంద్రాల నిర్మాణంపై విచారణ జరపడానికి జస్టిస్ ఎల్.నరసింహారెడ్డి ఆధ్వర్యంలో రాష్ట్ర ప్రభుత్వం కమిషన్ ఏర్పాటు చేసిన విషయం తెలిసిందే. దీన్ని సవాల్ చేస్తూ మాజీ ముఖ్యమంత్రి కేసీఆర్ సుప్రీం కోర్టును ఆశ్రయించారు. ఇదే అంశంపై జూన్ 24వ తేదీన కేసీఆర్ దాఖలు చేసిన పిటిషన్ను కొట్టేస్తూ హైకోర్టు ఇచ్చిన తీర్పును సవాల్ చేస్తూ ఆయన సుప్రీం కోర్టును ఆశ్రయించారు.
ఈ పిటిషన్ నేడు ప్రధాన న్యాయమూర్తి జస్టిస్ డీవై చంద్రచూడ్, జస్టిస్ జేబీ పార్దీవాలా, జస్టిస్ మనోజ్‌ మిశ్రలతో కూడిన ధర్మాసనం ముందు విచారణకు రానుంది. ఛత్తీస్గఢ్ నుంచి తెలంగాణ విద్యుత్ సంస్థలు చేసిన వెయ్యి మెగావాట్ల విద్యుత్ కొనుగోళ్లు, భద్రాద్రి, యాదాద్రి థర్మల్ విద్యుత్ కేంద్రాల నిర్మాణంపై విచారణ జరిపి, ఆ నిర్ణయాల్లోని నిబద్ధతను తేల్చడానికి రాష్ట్ర ప్రభుత్వం మార్చి 14న జస్టిస్ ఎల్. నరసింహారెడ్డి ఆధ్వర్యంలో కమిషన్ ఏర్పాటు చేసిన విషయం తెలిసిందే.
