హైదరాబాద్ వేదికగా జరుగుతున్న సీడబ్ల్యూసీ సమావేశాలకు హాజరయ్యేందుకు కాంగ్రెస్ అగ్రనేతలు నగరానికి వచ్చేస్తున్నారు. తాజాగా ఆ పార్టీ అగ్రనేతలు సోనియా, రాహుల్, ప్రియాంకా గాంధీ హైదరాబాద్ వచ్చారు. వారితో పాటు ఏఐసీసీ చీఫ్ మల్లికార్జున ఖర్గే కూడా వచ్చారు. ఈ నేతలకు శంషాబాద్ విమానాశ్రయంలో ఘనస్వాగతం లభించింది. కేసీ వేణుగోపాల్, ఠాక్రే, రేవంత్ రెడ్డి, భట్టి విక్రమార్క, కోమటిరెడ్డి వెంకట్ రెడ్డి, వీహెచ్, పొంగులేటి శ్రీనివాస్ రెడ్డి అగ్రనేతలకు స్వాగతం పలికారు.
సీడబ్ల్యూసీ సమావేశాల్లో పాల్గొనేందుకు కర్ణాటక ముఖ్యమంత్రి సిద్ధారామయ్య, రాజస్థాన్ ముఖ్యమంత్రి అశోక్ గహ్లోత్‌, రాజస్థాన్ ఉపముఖ్యమంత్రి సచిన్ పైలెట్‌ ఇతర నేతలు హైదరాబాద్కు వచ్చారు. వీరంతా తాజ్ కృష్ణా హోటల్కు చేరుకున్నారు. హస్తం అగ్రనేతలకు తెలంగాణ సంప్రదాయం ప్రకారం ఆదివాసీ నృత్యాలు, డప్పు చప్పుళ్లతో ఘనస్వాగతం పలికారు టీ కాంగ్రెస్ నేతలు. అనంతరం టీ కాంగ్రెస్ ఏర్పాటు చేసిన విందులో ఈ నేతలంతా పాల్గొన్నారు. విందు అనంతరం తాజ్ కృష్ణాలో సీడబ్ల్యూసీ సమావేశం జరగనుంది.
