తెలంగాణ శాసనసభ ఎన్నికల ప్రచారంలో జోరు పెంచిన బీజేపీ.. ఇవాళ మేనిఫెస్టో విడుదల చేయనుంది. నేడు రాష్ట్రంలో పర్యటించనున్న కేంద్ర హోం శాఖ మంత్రి అమిత్ షా హైదరాబాద్లో క్షత్రియ హోటల్ వేదికగా ఈరోజు మేనిఫెస్టోను విడుదల చేయనున్నారు. కేసీఆర్ భరోసా, కాంగ్రెస్ ఆరు గ్యారెంటీలకు దీటుగా కమలదళం ఈ మేనిఫెస్టోను రూపొందించినట్లు తెలుస్తోంది. ఇందులో ప్రధానంగా ఉచిత విద్య, వైద్యంతో పాటు నిరుద్యోగులు, రైతులపై దృష్టి సారించినట్లు సమాచారం. పేదలకు లబ్ధి కలిగించే సంక్షేమ పథకాలను కొనసాగిస్తూనే అదనంగా కొత్త అంశాలను చేర్చినట్లు తెలిసింది.
బీజేపీ మేనిఫెస్టోలోని కీలక అంశాలు ఇవే..
- ఉచిత విద్య, వైద్యం, నిరుద్యోగులు, రైతులకు లబ్ది కలిగేలా ఎన్నికల ప్రణాళిక
- ప్రతి వ్యక్తికీ బీమా పథకం ప్రకటించే యోచనలో కమలదళం
- నగరాల పేర్ల మార్పు అంశం మేనిఫెస్టోలో ఉండే అవకాశం
- వరికి మద్దతు ధర రూ. 3,100కు పెంచే అవకాశం
- ఆయుష్మాన్‌ భారత్‌ పరిమితి రూ. 10 లక్షలకు పెంచే యోచన
- పెళ్లైన ప్రతి మహిళకు ఏటా రూ. 12 వేల ఆర్థిక సాయం
- రూ. 500లకే గ్యాస్ సిలిండర్‌ ఇచ్చేలా హామీ
- ఫుడ్‌ ప్రాసెసింగ్ యూనిట్లు, జన ఔషధి కేంద్రాల ఏర్పాటు
- వ్యవసాయ కార్మికులకు ఏటా రూ. 20 వేల సాయం
- యూపీఎస్సీ తరహాలో టీఎస్‌పీఎస్సీ జాబ్‌ క్యాలెండర్‌
- ఐఐటీ, ఎయిమ్స్‌ తరహాలో విద్యా సంస్థల ఏర్పాటు
- పీఎం ఆవాస్‌ యోజన కింద అర్హులకు ఇళ్లు
- చేతివృత్తుల వారికి ఉచిత విద్యుత్‌ అందించేలా హామీ
- ప్రైవేటు విద్యాసంస్థల్లో ఫీజుల నియంత్రణకు చర్యలు
- మహిళా సంఘాలు, రైతులకు వడ్డీ లేని రుణాలు
