తెలంగాణ విద్యార్థులకు అలర్ట్.. ఇవాళ్టి నుంచే టెట్ దరఖాస్తులు స్వీకరణ కార్యక్రమం ప్రారంభం కానుంది. ఉపాధ్యాయ అర్హత పరీక్ష(టెట్) నిర్వహణకు పాఠశాల విద్యాశాఖ సోమవారం నోటిఫికేషన్ జారీ చేసిన విషయం తెలిసిందే. ఆసక్తి గల అభ్యర్థులు ఈరోజు (మంగళవారం) నుంచి 20వ తేదీ వరకు దరఖాస్తులు చేసుకోవచ్చు.
పేపర్-1కు డీఈడీ, పేపర్-2కు బీఈడీ పూర్తి చేసిన అర్హులు. జనవరి 1 నుంచి 20 వరకు టెట్ పరీక్షలను ఆన్‌లైన్‌లో నిర్వహిస్తారు తెలంగాణ అధికారులు. పూర్తి వివరాలను వెబ్ సైట్‌https: //schooledu. telangana. gov. inలో చూడండి.
కాగా ఆంధ్రప్రదేశ్ రాష్ట్రంలోని నిరుద్యోగులకు బిగ్ అలర్ట్. రేపు భారీ నోటిఫికేషన్ ఆంధ్రప్రదేశ్ రాష్ట్రంలో విడుదల కాబోతుంది. ఈ మేరకు చంద్రబాబు నాయుడు ప్రభుత్వం అన్ని ఏర్పాట్లు చేస్తోంది. టెట్ ఫలితాలను వెల్లడించిన ఆంధ్రప్రదేశ్ రాష్ట్ర ప్రభుత్వం… బుధవారం రోజున అంటే రేపు… మెగా డీఎస్సీ నోటిఫికేషన్ విడుదల చేసేందుకు రంగం సిద్ధం చేసింది. ఏకంగా 16,347 పోస్టులతో ఈ మెగా డీఎస్సీ నోటిఫికేషన్ ఉండే అవకాశాలు స్పష్టంగా కనిపిస్తున్నాయి.
