తెలంగాణ రాష్ట్రంలోని రైతులకు శుభవార్త. తెలంగాణలోని పామాయిల్ రైతులకు రేవంత్ రెడ్డి రాష్ట్ర ప్రభుత్వం తీపి కబురు అందించింది. పామాయిల్ గెలల ధరను రూ. 17, 043కు పెంచుతూ నిర్ణయం తీసుకుంది. ఈ ధరల పెంపుతో రైతులకు దసరా పండుగ ముందే వచ్చినట్లు ఉందని మంత్రి తుమ్మల నాగేశ్వరరావు తెలిపారు.
పామాయిల్ రైతులకు అధిక ధరలు అందించి రాష్ట్రంలో సాగు లాభసాటి చేస్తామని, అన్నదాతలను ప్రోత్సహించడమే ప్రభుత్వం లక్ష్యంగా పెట్టుకుందని తుమ్మల నాగేశ్వరరావు వెల్లడించారు.
