రాష్ట్రంలో ఖాళీగా ఉన్న 16,208 గ్రామ, వార్డు సచివాలయ ఉద్యోగాలకు నేటినుంచి రాత పరీక్షలు నిర్వహిస్తున్నారు. పరీక్షల నిర్వహణకు సర్వం సిద్ధం చేసారు. రాష్ట్ర వ్యాప్తంగా 11,162 గ్రామ సచివాలయాల, 3786 వార్డు సచివాలయాల పోస్ట్ ల కోసం పరీక్షలు నిర్వహిస్తున్నారు. గత ఏడాది 1,26,728 ఉద్యోగాలకు రాత పరీక్షలు నిర్వహించి 1,10,520 పోస్టులు భర్తీ చేసిన ప్రభుత్వం… ఇప్పుడు మిగిలిన పోస్ట్ ల మీద దృష్టి పెట్టింది.
మిగిలిన 16,208 పోస్టుల కు నేటి నుండి రాత పరీక్షలు షురూ చేసారు. గ్రామ సచివాలయ పోస్టులు 14062 కాగా, వార్డు సచివాలయ పోస్టులు 2146 ఉన్నాయి. ఈ పోస్టులకు 10.56 లక్షల మంది దరఖాస్తు చేసుకున్నారు. 14 రకాల పోస్టుల కోసం నేటి నుంచి 26వ తేదీ వరకూ రెండు పూటలా పరీక్షలు నిర్వహిస్తామని, నిబంధనలు విడుదల చేసామని అధికారులు పేర్కొన్నారు.
