మ్యాన్ ఆఫ్ మాసెస్ జూనియర్ ఎన్టీఆర్, కొరటాల శివ కాంబోలో తెరకెక్కుతున్న లేటెస్ట్ మూవీ ‘దేవర’.ఈ చిత్రం షూటింగ్ శరవేగంగా సాగుతోంది.ఇదిలా ఉంటే ఈ మూవీని మేకర్స్ దసరా కానుకగా అక్టోబర్ 10 న గ్రాండ్ గా విడుదల చేయనున్నట్లు ప్రకటించారు.అయితే దేవర సినిమా ప్రీ పోన్ కానున్నట్లు బాగా వార్తలు వినిపించాయి.తాజాగా ఈ చిత్రాన్ని ప్రీ పోన్ చేస్తున్నట్లు మేకర్స్ స్పెషల్ పోస్టర్ విడుదల చేసారు.ఈ పోస్టర్ లో దేవర సినిమాను సెప్టెంబర్ 27 న వరల్డ్ వైడ్ గా విడుదల చేస్తున్నట్లు ప్రకటించారు.
ఈ సినిమాలో జాన్వీ కపూర్ కథానాయికగా న‌టిస్తుంది విషయం తెలిసిందే. సైఫ్ అలీఖాన్ విలన్ పాత్రలో నటిస్తున్నాడు. ఇక ఈ చిత్రాన్ని రెండు పార్ట్ లుగా విడుదల చేయనున్నట్లు తెలుస్తోంది. ఇప్పటికే ఈ సినిమా నుంచి జూనియర్ ఎన్టీఆర్ లుక్‌తో పాటు, సైఫ్ అలీఖాన్, జాన్వీకపూర్ లుక్‌ల‌ను రిలీజ్ చేయ‌గా….. ప్రేక్షకుల నుంచి మంచి స్పందన వచ్చింది.తారక్ ఈ మూవీ లో తండ్రి కొడుకులుగా ద్విపాత్రాభినయం చేయనున్నారు. ఇక అనిరుధ్ మ్యూజిక్ అందిస్తున్నాడు. ఎన్టీఆర్ ఆర్ట్స్, యువసుధ ఆర్ట్స్ మిక్కిలినేని సుధాకర్, కొసరాజు హరికృష్ణ, నందమూరి కళ్యాణ్ రామ్ సంయుక్తంగా నిర్మిస్తున్నారు.
