టైటిల్ చూడగానే వెబ్ సిరీస్ ప్రాణాలు కాపాడడం ఏంటి అని అందరికీ అనుమానం రావచ్చు. కానీ ఇక్కడ నిజంగానే ఇదే జరిగింది. వెబ్ సిరీస్ చూస్తూ ఉండడం కారణంగానే ఏకంగా 75 మంది ప్రాణాలను కాపాడ కలిగాడు ఇక్కడ ఒక యువకుడు. ఈ అరుదైన ఆసక్తికర ఘటన మహారాష్ట్రలో జరిగింది. మహారాష్ట్ర లో నివసించే కూనాల్ అనే యువకుడికి వెబ్ సిరీస్ లంటే ఎక్కువగా పిచ్చి. రాత్రి పగలు అనే తేడా లేకుండా వెబ్ సిరీస్ ను చూస్తూ ఉండేవాడు.
ఈ క్రమంలోనే ఇటీవలె అర్ధరాత్రి నుంచి ఉదయం నాలుగు గంటల వరకు వెబ్ సిరీస్ చూస్తూనే కాలం గడిపాడు సదరు వ్యక్తి. ఈ క్రమంలోనే ఉన్నట్టుండి పై అంతస్తు కూలుతున్నట్లుగా సదరు యువకుడు గమనించాడు. దీంతో వెంటనే అప్రమత్తమైన సదరు యువకుడు ఆ ఇంట్లో ఉన్న మిగతా వారిని అప్రమత్తం చేయడంతో అందరూ బయటికి పరుగులు పెట్టారు. దీంతో ఆ భవనం లో నివసిస్తున్న 75 మంది బయటకి వచ్చిన పది నిమిషాల వ్యవధిలోనే ఆ భవనం మొత్తం పూర్తిగా కుప్పకూలిపోయింది. సరైన సమయంలో స్పందించిన సదరు యువకుని మెచ్చుకున్నారు అందరు.
