అనంతపురంలో పట్టపగలే రెచ్చిపోయిన దొంగలు

ఏపీలోని పలు జిల్లాల్లో దొంగలు రెచ్చిపోతున్నారు. ఇటీవల ఏపీలో అంతర్రాష్ట్ర ముఠా దొంగలు సంచరిస్తున్నట్లు ఏపీ పోలీసులు ప్రకటించారు. అంతేకాకుండా రాత్రిళ్లు వారు సంచరిస్తున్న సీసీ టీవీ ఫుటేజిని సైతం విడుదల చేశారు. ప్రజలు జాగ్రత్తగా ఉండాలని హెచ్చరికలు జారీ చేశారు.

ఈ క్రమంలోనే రాయలసీమలోని అనంతపురం జిల్లా ఉరవకొండ మండలం చిన్న ముస్టురులో దొంగలు రెచ్చిపోయారు. పట్టపగలే ఇంట్లోకి చొరబడ్డారు. పొలం వద్దకు వెళ్లిన రైతు తిరిగివచ్చేసరికి ఇంటి తలుపులు పగలగొట్టి 10 తులాల బంగారం, 60 వేల నగదును దొంగలు ఎత్తుకెళ్లారు. విషయం తెలియడంతో బాధిత రైతు ఒక్కసారిగా లబోదిబోమన్నాడు. తనకు న్యాయం చేయాలని పోలీసులను వేడుకున్నాడు. ఈమేరకు కేసు నమోదు చేసి దర్యాప్తు చేస్తున్నట్లు వారు తెలిపారు.