వివాదాస్పద రామజన్మభూమి- బాబ్రీ మసీదు కేసులో తీర్పు వెలువరించిన ధర్మాసనంలో సభ్యుడు, ప్రస్తుత భారత ప్రధాన న్యాయమూర్తి జస్టిస్ ఎస్ఏ బోబ్డే ప్రాణాలను ముప్పు పొంచి ఉందని నిఘా వర్గాలు హెచ్చరించాయి. ఈ నేపథ్యంలో అప్రమత్తమైన కేంద్ర ప్రభుత్వం.. ఆయన భద్రతను జెడ్ నుంచి జెడ్ ప్లస్కు మార్చింది.
భారత ప్రధాన న్యాయమూర్తి జస్టిస్ ఎస్ఏ బోబ్డే ప్రాణాలకు ముప్పు పొంచి ఉందన్న నిఘా వర్గాల సమాచారంతో కేంద్ర ప్రభుత్వం అప్రమత్తమైంది. ఆయనకు జెడ్ ప్లస్ భద్రతను కల్పించింది.వివాదాస్పద రామజన్మభూమి-బాబ్రీ మసీదు కేసులో కీలక తీర్పును వెలువరించిన ఐదుగురు సభ్యుల ధర్మాసనంలో.. 64 ఏళ్ల సీజేఐ జస్టిస్ బోబ్డే ఒకరు.ఇప్పటివరకు భారత ప్రధాన న్యాయమూర్తికి జెడ్ కేటగిరీ భద్రత ఉండేది. దానిని జెడ్ ప్లస్ కేటగిరికి మార్చుతూ కేంద్ర హోంమంత్రిత్వశాఖ ఆదేశాలు జారీ చేసింది. ఈ నేపథ్యంలో.. జస్టిస్ బోబ్డే సీఆర్పీఎఫ్, సీఏపీఎఫ్ బలగాలు భద్రతలో ఉండనున్నారు.భారత ప్రధాన న్యాయమూర్తిగా జస్టిస్ బోబ్డే 2019 నవంబర్ 18న బాధ్యతలు చేపట్టారు.
